Тұрғын-үй коммуналдық шаруашылығын цифрландыру компаниялар мен қала тұрғындарына не береді?
27.10.2020, 15:00
2019 жылдың жаз айынан бастап Нұр-Сұлтан қаласында, қаланың коммуналдық қызметтерін біріктіретін iQala қалалық қызметтер орталығы жұмыс істейді. iQala қала тұрғындарына Интернет арқылы ТҮКШ қызметтерін алуға көмектеседі.
«Нұр-Сұлтан қаласының Цифрлық және мемлекеттік қызметтер басқармасы» ММ басшысы Қасабек Ботагөз Zakon.kz порталына берген сұхбатына ТҮКШ цифрландыру процесінің қалай өтетіндігі және азаматтар үшін жүйенің қаншалықты пайдалы екендігі туралы айтып берді.
...
Цифрландыру қызметтерді жылдам, әрі оңай алуға көмектеседі. Тұрғындар, мысалы техникалық талаптарды алу үшін кезекте тұрмайды және қалалық инстанциялар бойынша жүрмей iQala орталығына жүгінеді. Цифрлық сервистер орталықтың жұмыс режиміне байланыс емес, сондықтан да компаниялар мен жеке тұлғалар қызметтерге тәулік бойында қолжеткізе алады.
Портал қызметтерді жеткізушілер үшін де өте қолайлы. Жүйеде есептілікті құруға және қызметтердің сапасын талдауға арналған құралдар бар. Жүйе өтінімдерді қарау мерзімдерін бақылайды, қабылданбаған өтінімді тексереді, фронт-кеңсе қызметкерлерінің жұмысын үйлестіреді.
Болашақта Нұр-Сұлтан қаласында геопортал пайда болады. Бұл жер учаскелері туралы: кадастрлық нөмірден бастап коммерциялық тиесілікке дейінгі барлық ақпарат жинақталатын жерлердің электронды картасы.
iQala Порталында 134 қалалық қызметтердің саласы: электр желілері мен электрмен жабдықтау, жылыту және жылу желілері, сәулет және құрылыс, сумен жабдықтау және су бұру және т. б. бойынша ақпарат алуға болады. Портал www.iqala.kz. адресі бойынша қолжетімді.
